عايزة احكيلكم اللى حصلى بعد ما اتجوزت😢 انا خايفة ومرعوبة من اللى شوفته بعد ما اتجوزت لاحظت ان حماتي ست مش طبيعية خالص وليها عادة غريبة جدا ..
و دايما كل يوم اسمع من غرفتها بليل صوت حاجه بتخبط جامد😦
انا سلمى 27 سنه متزوجه من شهرين .. قضيت شهر العسل.. اول شهر فسح انا وزوجي أحمد
اللي اتعرفت عليه من ست شهور وكان جواز صالوات كان معرفه واحده صديقة والدتي
وثاني شهر بعد شهر العسل رجعت اعيش في بيته لانه وحيد اخواته ووالده متوفي وعايش مع حماتي بس
انا ماكنش قدامي حل غير اني اقبل انها تعيش معانا .. وخصوصا الشقه باسمها
وهوا لسه بيكون نفسه لحد ما يجيب لي شقه بس وعدني وقالي لو حسيتي انك مضايقه قوليلي وناجر شقه بعيد عنها بس انا مش عايز اسيبها لوحدها بصراحه انا عارفه ظروف احمد وعارفه اني مش هينفع اقوله سيب والدتك تعيش لوحدها.
فقبلت بالامر الواقع .. بس عليها تصرفات غريبه بدات تظهر .. لدرجه بعمل الاكل في مرة وروحت اعمل حاجه ورجعت لقيتها فاتحه غطاء الحله وبتحط ملح كتير على الاكل 😦.. شوفتها سكت قولتلها في حاجه ياماما الاكل كان ناقصه ملح اتخضت لما شافتني
وقالتلي اه الظاهر كده
بدوق بعدها الاكل لقيته مالح جدا .. بقيت ادخل الحمام تقعد تخبط عليا بعدها بدقيقه عايزة ادخل الحمام
بقيت في كل حاجه بعملها او مكالمه من صحباتي الاقيها عماله تحوم حواليا عشان تسمعني بقول ايه😔؟
الوضع بقى صعب اوي بصراحه وانا اتخنقت منها وكل ما اقول حاجه لأحمد يضحك يقولي معلش لسه ما اتعودتش عليكي بس بعد كده هتحبك وهتحبيها
بس اللي غايظني بجد انها كل يوم الساعه 12 بليل بالدقيقه تطلع تجري على غرفتها .. واسمع صوت تخبيط😦 مش ده بس الغريب .. وكمان احمد ساعات كتير بيدخل معاها غرفتها ويبات معاها ويطلعلي تاني يوم الصبح😦
اللي مخليني مستغربه ان غرفتها مقفوله بالمفتاح دايما والمفتاح في سلسله في رقبتها مش بتقلعه ومش بتخليني ادخل غرفتها انضفها خالص.. واحمد بس اللي بيدخلها ينضفها
.
برغم اني ساعات بلاقي ريحه وحشه اوي في البيت 😷برغم اني لسه منضفه لدرجه هي عشان تفتح باب غرفتها لازم تتاكد اني مش واقفه قريب منها
لدرجه مرة سالت احمد على موضوع الاوضه ده قالي بقولك ايه ؟ انتي مالك ومالها هي بتخاف على فلوسها وحاجاتها وليها خصوصيتها انتي مالك😡 ؟
وقعد يزعق جامد جدا فيا وكانت اول مره يزعقلي من ساعه ما اتجوزنا .. زعلت يومها جدا وقعدت اعيط من الخضه😢 في تحول شخصيته معايه وبسبب الطريقه والعصبيه الاوفر على سؤال عادي
وبعدها هوا جه يصالحني وجابلي شكولاته كتير وقالي معلش كنت متوتر من الشغل وما تزعليش مني
.
بس الغريب انها لما بتنزل لازم تأمن ان الغرفه مقفوله كويس .. بصراحه بدات اطنش واكبر دماغي لاني كلمت أمي يومها قالتلي ما تحطيش عقلك بعقلها ودي ست كبيرة جدا فالسن وحافظي على بيتك عامليها كعيل صغير.بقلم عمر ليمونه
بصراحه سمعت كلام أمي وانا بثق فيها وخليتها تدعيلي .. وبعد اسبوع تقريبا بدات اسمع صوت التخبيط بيزيد😲
احنا السرير في اوضه نومي لازق في الحيطه الفاصله مابين غرفتي وبين غرفة حماتي .. وانا بنام ناحيه الحيطه لدرجه في يوم حطيت ودني عالحيطه سمعت صوت التخبيط😮
.
وخايفه اسئل احمد ايه صوت التخبيط ده يتنرفز عليا زي المرة اللي فاتت .. لحد ما في يوم وانا بجيب طلبات للبيت وكنت بكلم ماما في التليفون لقيت البواب بيقولي أزيك يا استاذه عامله ايه ؟
قولتله انا كويسه ياعم صابر .. قالي واخبار الاستاذ احمد ايه ؟ قولتله تمام ياعم صابر
قولتله الله يسلمك ..قالي ابقى سلميلي على الاستاذة .. قولتله الله يسلمك..قالي بقى لها فتره مش بتيجي
هنا والله كانت ست كمل ومحترمه
سيبته وطلعت وانا بكلم ماما وقعدت افكر البواب كان بيقول ايه تاني يوم نزلت اشتري حاجات وسالته قالي لا اتخلبطت مابين عمارتك وعمارة الاستاذ سعيد في الرابع..بقلم عمر ليمونه
.
نمت يومها وصوت التخبيط بيزيد في الحيطه جنبي وموترني والصوت عمال يزيد عمال يقرب عمال يقرب .. وكان احمد يومها نايم في غرفه حماتي والموضوع ده برده بدا يتكرر كتير ومضايقني لحد مالقيت حاجه
غريبة جدا لما الصوت وقف😮
قومت من السرير بسرعه وولعت نور الغرفه ومسحت عيني مش مصدقه اللي انا شايفاه قدامي لقيت 😲😲😲😲….. يتبع
تابعواالجزء الثاني
